ศรทองโภชนา

ตอนนี้เปิด

ตอนนี้ปิด

曼谷必食「頌通」（重要的事講3次）一定要訂位、一定要定位、一定要等位！因為呢間餐廳晏晝一開門就已經爆棚，等枱嘅人數直情坐到出去馬路邊，就算好似今次我哋訂咗位，都只可以坐喺室外，因為室內已經被訂滿，好彩餐廳準備了很多風扇和巨型冷氣機，否則我好熱怕熱，一定調頭走！講返美食，泰國必食「生蝦」唔知點解香港食極都同泰國食唔同味，可能係水質唔同，蝦和配菜味道總有唔一樣，一場嚟到梗係食返夠本⋯⋯⋯先嚟兩碟當頭盤，開開胃。至於「頌通」我諗招牌菜一定係炒蟹，每枱都叫，可揀大、細蟹，同埋幾多隻。今次我兩個人就叫一隻細蟹。呢度炒蟹有別港式避風塘炒蟹，曼谷呢間店嘅炒蟹係濕濕的，而且加咗好多蛋汁，蟹膏和蛋炒埋一齊，甘香美味。如果喺香港，我一定會打包啲汁返屋企，可以連續10日撈飯食。所以我另外亦叫咗炒蟹的好拍檔⋯⋯⋯「大蝦粉絲煲」。呢個大蝦粉絲煲一啲都唔孤寒，足足有八隻大蝦，仲有冬菇有肉片，最重要是粉絲很香又夠多，撈蟹膏是絕配。加多杯冰凍啤酒，夫復何求。招牌又點止咁少，蠔餅亦唔同港式，有啲似台式蚵仔煎，但蠔仔一啲都唔「仔」，隻隻脹卜卜肥嘟嘟，連墊底芽菜都肥嘟嘟清爽多汁，成功減低煎蠔餅嘅油膩口感。仲有呢度沙爹串燒亦